د محکمې حکم: د ټرمپ نوم دې له کینیډي مرکز څخه لرې شي

نیویارک ټایمز خبر ورکړ چې په واشنګټن کې یوه فدرالي قاضي د جمعې په ورځ حکم وکړ چې د ولسمشر ټرمپ نوم په غیرقانوني ډول د کېنېډي سنېټر پر ودانۍ لګول شوی و، او باید لرې کړل شي.

قاضي وویل چې هغه قانون چې کانګرس د دې هنري مرکز د جوړولو لپاره تصویب کړی، "په بشپړ ډول روښانه" کوي چې دا اداره باید د ولسمشر جان ایف کینیډي په نوم وي، او یوازې کانګرس کولی شي د هغې نوم بدل کړي.

قاضي کریسټوفر کوپر په خپل ۹۴ مخیز حکم کې ولیکل:

"کانګرس کینیډي مرکز ته دا نوم ورکړی، او یوازې کانګرس یې بدلولای شي."

محکمې همدارنګه په موقتي ډول د کینیډي مرکز د اوړي په موسم کې د تړلو مخه ونیوله، هغه اقدام چې ټرمپ غوښتی و.

دغه حکم دا هم وايي چې د ټرمپ نوم باید د ودانۍ له مخ، رسمي نښو او ټولو رسمي برانډینګ څخه لرې شي.

د خبر له مخې، کارګرو د ۲۰۲۵ کال د ډسمبر په میاشت کې د ټرمپ نوم د کینیډي مرکز پر ودانۍ نصب کړی و.