روبیو: له ډنمارکي چارواکو سره به راتلونکې اوونۍ د ګرینلنډ په اړه خبرې وکړي

واشنګټن - د امریکا د بهرنیو چارو وزیر مارکو روبیو وویل چې په راتلونکې اوونۍ کې به له ډنمارکي چارواکو سره د ګرینلنډ د راتلونکې په اړه وویني.

د نیویارک ټایمز د راپور له مخې، ډنمارک د بهرنیو چارو وزارت ویلي چې لا یې نه شي تاییدولای چې له روبیو سره به ناسته ترسره شي که نه.

د امریکا مرستیال ولسمشر جې‌ډي ونس د چهارشنبې په ورځ له فاکس نیوز سره په مرکه کې یو ځل بیا دا امکان رد نه کړ چې پوځي ځواک وکارول شي.

په همدې مرکه کې ونس د ټرمپ خبرې تکرار کړې چې ویلي یې دي دا ټاپو د امریکا د ملي امنیت لپاره حیاتي ارزښت لري او ډنمارک د دې د ساتنې لپاره کافي کار نه دی کړی.

خو د امریکا د بهرنیو چارو وزیر مارکو روبیو دا اوونۍ کانګرس ته وویل چې ولسمشر ټرمپ غواړي ګرینلنډ واخلي، نه دا چې پرې یرغل وکړي.

ګرینلنډ یوه کم‌نفوسه، نیمه‌خودمختاره سیمه ده چې د ډنمارک د حاکمیت تر پولې لاندې راځي؛ ډنمارک د ناټو غړی هېواد دی.